50%

0%

50%

Do Guay | Ninfuninfa | Ao puaf

Nosotros procuraremos estar atentos y traer a cuento las "otras noticias" de ese maremagnum en el que tratamos de alcanzar las orillas de la comunicación a través de la navegación por estos mares hedonistas, vuelos a ras de lo "topo secret", incursiones por las bodegas, las despensas y las cocinas, o de lo que se cocina entre despachos y hasta entre sábanas... apreciaciones; indagad en nuestro pensamiento, opinión, parecer o criterio.., aprovechando que, además, es gratis.

¿Como "DIS" que dices?

[MdM] Pautas de consumo

Veño de facer a compra coas miñas bolsas de rafia e penso, ¿que doado resulta cambiar as cousas cando nolas poñen doadas?. É certo. De nada valen as mensaxes publicitarias, os consellos gobernamentais, os estudos catastrofistas se logo ao chegar aos nosos fogares non podemos levar á práctica esas condutas aconsellables e respectuosas co medio. Aí está o eterno enfrontamento entre o que me gusta facer e o que debo facer, un cruce de camiños que, sendo aplicable a moitos aspectos das nosas vidas, no caso do coidado do Planeta adquire un carácter colectivo que, irremediablemente, fai que a balanza perda o seu equilibrio. En todo caso, e como di sempre o meu mellor amigo, “a capa de ozono non está a desaparecer por mor do meu desodorante”.

O comportamento individual ten as súas consecuencias no colectivo e, parafraseando o eslogan, o coidado do medio ambiente é “a suma de todos” pero non todos os sumandos teñen o mesmo peso, estarán conmigo. Por iso me revolvo cando vexo que os políticos non se poñen de acordo á hora de reducir emisións, as plantas de reciclaxe non reciclan e as empresas seguen realizando verteduras aos nosos ríos. E logo queremos comer robalizas salvaxes... En todo caso, e por se axuda, os fabricantes de plástico españois veñen de presentar un modelo de bolsa reutilizable e cento por cento reciclable. A ver se así España deixa de ser o terceiro país da Unión Europea que máis bolsas de plástico consume, uns 11.ooo millóns ao ano. En fin!

Tamén é de aplaudir a iniciativa do Ministerio de Fomento que vén de presentar unha estratexia para rebaixar as emisións de CO2 no transporte aéreo.

Entre as medidas suxeridas, o coñecido como aterraxe verde, un sistema de planeo á mínima potencia nas últimas fases do voo, antes de tomar terra, o que implicaría menos ruído e menos gasto de combustible, logo menos emisións. A ver se é verdade.

E cambiando de asunto, nestas datas previas ao Nadal -unhas festas que cada vez comezan antes (criticable a colocación de adornos navideños en pleno mes de outubro nunha cadea de tendas de mobles e decoración)-, moitos galegos fan contas para cadrar as súas endebles economías co gasto que se presupón para os meses de decembro e xaneiro. Os empresarios adicados á elaboración de cestas de Nadal xa contan cun descenso do 20% na compra destes agasallos polo que moitos galegos quedaremos sen ese tradicional aguinaldo, unha ñoñería ao fin e ao cabo. Iso si, os grandes petos poderán seguir permitíndose luxos da talla do xamón máis caro do mundo que vende unha empresa extremeña, Cárnicas Maldonado. A peza sae á nada desprezable cifra de 1.500 euros. Iso si, a pureza ibérica do porco en cuestión está garantida por análises de ADN. O 80% das vendas realizaranse en España e o resto comercializarase noutros países europeos, fundamentalmente no Reino Unido, en Portugal e Bélxica. Se este non lles convence, teñen outra posibilidade para regalar nestas datas: o xamón de Guijuelo de Joselito que se presenta nunha caixa deseñada por Andrés Sardá, deseñador de roupa interior (parellas máis estrañas se viron...). Este xamón vale 1.800 euros de nada.

E para brindar, non sei que lles parece o primeiro viño tinto baixo en gradación e en calorías que sacou ao mercado Bodegas Aragonesas. Comercialízase co nome de “Nove”, non en referencia aos cociñeiros de vangarda galegos senón porque o viño ten ese número de graos, e pretende seducir ao público máis novo que aínda non se adentrou na cultura vinícola. Asegura a empresa que conseguiron manter todo o aroma e o sabor das garnachas vellas coas que está elaborado o viño. Por se non lles convence, ¿vai un martini?

[Imprimir]